أسلم يابوي ويسلـم الطيـب كلـه =سلامتك يسلم بها الطيـب والجـاه


لو يجمعون الطيـب دقـه وجلـه= لقوه عندك فـي مناخـك مطايـاه


الطيب مجدٍ حطك الله هـوىً لـه =يمد لك في كـل الأحـوال يمنـاه


يمدهـا فـوق الخشـوم المطـلـه= ما فيه مجد إلا وردتـه علـى مـاه


وحجاجك اللي رب الأرباب فلـه= بالعرف والمعروف والحكمة أنـداه


والعقل غيرك يا أحمر العين من له= يا طيبٍ يطيب مـن طيـب مجنـاه


هـذا تعضـد لـه وهـذا تشـلـه =من لاذ بك جت له على الكيف دنياه


ما فيـه مجـد إلا تخيـرك خلـه =يا فزعة اللي هـم وقتـه توطـاه


أحـدٍ تناحـي عنـه قـوم مغلـه =واحدٍ تدله كلمـا عمسـت أريـاه


واللي كفوفـه مـن زمانـه مقلـه= تمد له كفٍ علـى الطـول يرفـاه


سلامتك يا بـوي مـن كـل علـه= يا طيـبٍ بالطيـب ينـدي محيـاه