ان كانها بالطيب والعز والجاه=ما مثلك احدٍ بالليال العسيرات


من مد لك في حزة الضيق يمناه=صافحته بكف الكفوف النديات


وطابت له اسرار الليالي بدنياه=مكارمك في كل حال ٍ مقيمات


اما لقاك الطيب بالوقت تلقاه=وترفع به احظوظٍ وترفع مقامات


الطيب بحجاجك على الناس يقراه=وقتٍ تغرد به من الضيق حاجات


كم واحدٍ لا ضيّع العذر دعواه=رديت حقه قبل يقرا التحيات


ما قبلك احدٍ موقف العقل يرعاه=بالحكمه اللي ترفع اليوم هامات


الطيب وصّل بك على المجد منهاه=وشهامة الإيثار فالواقع اثبات


ضمين من ضامه زمانه بمظماه=لا جفت اعدود الوجيه الكسيفات


أحمد لك امجاد المكارم مبنّاه=بروس الرجال اهل الوفا والمروات


من لاذ بك منصور مابه مراواه=ماهوب طيبك مثل غيرك دعايات