يا محمد مجدك العدل وأسرار النجاح=في مبادي رؤيتك للقريب والبعيد


كل حيٍ شايفٍ فيك للدار الصلاح=كل يومٍ بالمشاريع لك علمٍ جديد


بارق المجد السعودي على ما قلت لاح=في سما التجديد علمٍ على شعبك وكيد


عقب ما هبت على الدين من غرب الرياح=واستمر الشرق يضغط على حبل الوريد


والمجوس الفارسي فل بالكفر الجناح=يحسب الاوهام له حققت ماهو يريد


ما درى ان الدين غالي وصبر العقل باح=والتسامح طول الأيام معهم مايفيد


وجيتهم والعلم ماجت ردوده عقب راح=ساعةٍ منها وفيها ظهر شيب الوليد


دست غبات المخاطر عن الدين بكفاح=مع هل التوحيد بالحزم والباس الشديد


بالرجال وبالعتاد الحضاري والفلاح=ثم سلم كل راسٍ من السطوه عنيد


الله اكبر مجدكم يا مروية السلاح=وكل يومٍ شعبنا له يابو سلمان عيد