يا هاجسي ذا الليل بادر بالوصال=ومن بنات الفكر حرفي حظره


سلم على من هامته فوق الهلال=على الأمير الشهم ربي ينصره


أمير شموخه من شموخك يالجبال=تعرف شموخه حين تناظر مظهره


إي والله ان العز له في كل حال=عبدالعزيز الشهم ماحد ينكره


له فضل بعد الله في فتح المجال=والخير خيره بعد ربي نشكره


سعود بن محمد مات وعهده لا يزال=عايش وإسمه بيننا البين مفخره


طيب ثراه ما مات من خلف رجال=خلف من الأبطال فصيله نادره


منهم أبو راشد ينضرب به مثال=أمير مثالي والشجاعه مصدره


رجال بالمعروف صادق بالفعال=وبالكرم والطيب شدي مأزره


لجل المبادىء والقيم شاله الثقال=من اجل هذا سمعته متطوره


أمير تحلا بالتواضع دوم ما للكبر مال=الكبر في قاموسه أكبره منكره


فارس لرفع الحق ما يخشى القتال=لا حان وقت السيف قرر يشهره


هاذي صفات ابطال ما منها جدال=هذا هو السامر وهذا مصدره


لا حد يقول القادري مدحه خيال=القادري يمدح سوا من قدره


ما نمدح إلا كفو من أباً وخال=في هيبته مذكور من غير مذكره


يرتاح له شعري وللهاجس مقال=وأن قصّر الهاجس نقول المعذره