موقع الأمير الشاعر عبدالعزيز بن سعود بن محمد آل سعود

جديد القصائد
جديد الأخبار

New Page 3
 

 
جديد الصور
 

 
جديد البطاقات
 

 
تغذيات RSS
 

القصائد
مساجلات
السامر و عبد الله بن نايف بن عون
السامر و عبد الله بن نايف بن عون
1428-03-09 06:01 PM


[TABLE=width:70%;border:1 solid green;][CELL=filter:;]


روضة التنهات
شعر الأمير/ عبد العزيز بن سعود بن محمد آل سعود





[/CELL][/TABLE]


سقى الله روضة التنهات روضة كاسب الطولات=بسيلٍ في عروض العرق الأعلى بانت حـدوده
عليها النو صلـب وأستهـل وفيّـض التنهـات=حباهـا الله بسيـلٍ بيّـنٍ عنـد الـعـرب زوده
وعلى شوفه بمنزالٍ نزل به كبـرت الهقـوات=يريفون العرب والقوم من فضله ومـن جـوده
الى من حل بارضٍ شاجرت لو انهـا مضمـات=ومن باكر تشوف السدر فيهـا مـورقٍ عـوده
أبوفيصل فهد فهد العـرب لاكبـرت القـالات=عواقـب راي سيـد جملـة الحكـام محمـوده
معه رايٍ حكيم ٍ يضبـط الأوضـاع بالأزمـات=تجـارب بيّنـاتٍ والتجـارب صـادق شهـوده
أبوفيصل فهـد كـل العروبـه عالـي الهمـات=نصره الله ونصره من فضـل ربـه ومعبـوده
بعدله والوفـا والطيـب والله كامـل الشـارات=مواقف سيدي لـو تنحصـي ماهـي بمعـدوده
عقب ما أخضرت الفيضه وزان البر والطلعات=عسى ربي يهنـي راسـه بقصـده ومقصـوده
أقوله واعرف ان الطيب مايوخذ على المشهات=وهبه اللي فرق حد الليال البيـض عـن سـوده




[TABLE=width:70%;border:1 solid green;][CELL=filter:;]


هذه مجاراة لما اختاره صاحب السمو الأمير / عبد العزيز بن سعود بن محمد آل سعود
من فكرة محمودة في قائد هذا الوطن الغالي خادم الحرمين الشريفين
الملك فهد بن عبد العزيز آل سعود ( حفظه الله )

مجاراة لقصيدة التنهاة
الشاعر الكبير / عبد الله بن نايف بن عون
24 / 11 / 1423 هـ
[/CELL][/TABLE]


سقا الله روضة التنهات روضة كاسب الطولات = بسيل في عروض العرق الأعلى بانت حدوده 
عساها للنصوب اللي توسطها مع المثنات =يفيضن الخوابي من محير السيل وردوده
يجيبها مدت ترجع بها من راعي المدات =من الطيري وطرافه إلى الحيرا وجعلوده
يجيها كنه الليل البهيم محلتم الثغرات = يشعشع بارقه ويوقظ النيام برعوده
مراويح السماك اللي عليها ينثر العبرات = بجوٍ هادي ما يستنير الكحل من نوده
إلى منه همل وأهمل على الشوكي وطيارات = لقيت الأبرق الأوسط يحز السيل بعضوده
ثمان وجاب سكاب بوسطه للبرد زخات = وعقب أيام يزهالك نبات القاع بوروده
على شان يتمتع في روابيها كريم الذات = سندنا اللي يدافع عن كرامتنا بمجهوده
سندنا اللي ليا شتد الحزام وضاعت الحيلات = يبين بالنهار اللي به الأعصاب مشدوده
ليا ضج الخليج وهاج له بالكايده وقفات = ليا كلش حجاجه صدر أخصامه بما روده
وله وقفات خيرية تتناقلها الفضائيات = على هدى الكتاب ويوفي الماعود بوعوده
عسى ربي يمد المسلمين بصحته حزات =ويديمه للوطن ويقر عين الشعب بوجوده
وعلى تتويج رغبة سيدي تدفعني الرغبات = على حسب احترامه يستجل القاف ببنوده
ليا ما قمت بالمطلوب وشهى قيمة القدرات = تموت الشاعرية في ظلام القبر و لحوده
أبو راشد سلم راسه هو اللي يحيى العادات = سلم راسه وراس سعود أبوه وطابت سعوده


 


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google
  • أضف محتوى في Facebook


Powered by Dimofinf cms Version 3.0.0
Copyright© Dimensions Of Information Inc.