نشرت صحيفة سبق الالكترونية قصيدة إعــــادة الأمــــــل والتي صاغها صاحب السمو الأمير عبدالعزيز بن سعود بن محمد آل سعود كما وتداولت القصيدة العديد من المواقع الالكترونية.وقال سموه :


عندما تتعذر كل وسائل الإصلاح في عامة القضايا ، يكون الحسم بعاصفة الحزم التي لا يقودها إلا أسياد المجد والتاريخ لذلك قلت:

عودة أمل للعقل فيها مساحات=سيلٍ وطأ الحوثي وشاله جذيبه


عطوه فرصة عمر للسلم مشهات=ما طاع يوم انه تردا نصيبه


يماري له ابقوه وصارت دعايات=يقول انا الغازي ولكن غزيبه


ما دام ما للفرس ناقه ولا شاة =خلوه لعبه - واليماني - حطيبه


وإلا علي طالح عميل الخيانات=مكشوف والمكشوف عيبه بجيبه


افلس من الثنتين في كل الأوقات=حتى عوى بالذل فالجوف ذيبه


هو يحسب ان الحرب معنا سلامات=وإلا يحسبه مثل غدرة قريبه


إنا لنا في خدمة الدين رايات=كتيبةٍ تمشي وراها كتيبه


تباشروا يا اهل اليمن بالمسرات=قلته وانا مسئول عن هرجتي به


هذا سلايل مجد تاريخ هامات=قومٍ لهم في كل الأقطار هيبه


سلمان سلمان الوفا والمهمات=مثله يمارون الخلايق بطيبه


مواقفٍ ما تطلب اشهود واثبات=شوف العيون وما به اليوم ريبه

شعر الأمير عبدالعزيز بن سعود بن محمد آل سعود