تنومس الشعر والأبيات طربانه=وبنات فكري على المعنى لهن حنه


 أروي ظماهن بعذب الشعر وسمانه=في مدح عبدالعزيز ولا لهن منه


 جل المعاني تطاوعني على شانه=واسوقهن له ويزهاهن ويزهنه


 في ساحة الشعر ترجح كف ميزانه=لو قيل هو له شبيه أقول ما ظنه


لا جا سباق القصيد وثار ميدانه=إليا عصن غيره الأبيات طاعنه


 تفوح نفحة عبير الشعر بلسانه=كم من قلوبٍ دواهن يوم يوحنه


 لقيت ورد القصيد بوسط ديوانه=أشكال وألوان من ذوقه ومن فنه


 مثل الجواهر تلالا في يد الدانه=بذراع من تنقش الحنا لهن رنه


 يدرس كتابٍ سعود أبوه عنوانه=تعلم الشعر منه وجا على ظنه


سعود فخر القصيد أيام (عبانه)=مروي عطاشا القلوب بلاهب الكنه


 متربع ٍ فوق عرش الشعر سلطانه=لا ضاع حق القوافي ما تعدنه