يا بلسم جروح الحيارى والايتام=يا مهدي الفرحه على من فقدها


 تلقا جزاها من فضل رب الأنام=بيوم ٍ به المرضع لهت عن ولدها


 ما قبلك أحدٍ قالها من مية عام=وسنين ما يحسب ويحصا عددها


 طيبك على كل العرب طول الايام=قوافل ٍ ما يقطع الله مددها


 يا كثر من عاشوا على فضله التام=كل المكارم طيب نفسه عمدها


 ايوسط الحالم بتحقيق الاحلام=ولولاه ماتت رغبته ما وجدها


 في كل يوم ٍ صادر له نبا هام=أوامر ٍ تغني العرب واعتمدها


 كم واحدٍ لا طاح من مدته قام=وكل الليال السود ودع نكدها


 كل ٍ يقول إن الضروره لها احكام=وهو الوحيد اللي يفكك عقدها


 النوم لو يهدا على الناس ما نام=شد المراجل كل أبوها بيدها