المجد راس وفعلك اليوم هامه=حقايق ٍ ماهي دعايات واوهام


في عهد من علم بعدله علامه=عبدالله محقق لنا كل مارام


تمام أوامر سيدي من تمامه=منار حكام العرب بأمره التام


عز الملوك اللي رفيعٍ مقامه=متوارثين المجد عامٍ ورا عام


مجدٍ تليد ..ودار عز وشهامه=أحبها وافخر بها طول الايام


ولا عليّ في حب داري ملامه=على الشريعه عزها بالحكم قام


ما يبلغ اللي حاقدٍ به مرامه=وإنا الذي به نمسح دموع الايتام


وإنا لتحقيق العداله دعامه=الله موفقنا بتحطيم الارقام


دار الملوك أهل الشرف والكرامه=في ما مضى واليوم والمقبل حزام


وان جا نهارٍ مثل يوم الرغامه=من طاح في حربٍ للابطال ما قام


اللي حمى وادي حنيفه ثمامه (1)=قبل علمنا ما كسا جوّه اعلام


إنا هل التاريخ وأهل الزعامه=ولولا العدل ما طاب حكمٍ ولا دام


عدلٍ جلا عقب الجهاله ظلامه=على الهدى نرسي سلامه بالاسلام


وبالشرع والتشريع قدنا زمامه=وتوحيد رب البيت هو روح الاحكام


ومن يخدم البيتين زاد احترامه=وإنا لبيت الله على الطول خدام


وما فيه مجدٍ إلا خذينا وسامه=نزود لا زادو على الدين الاخصام


ومن زاد في بعض المواقف كلامه=واخطا السنع يموت حاسر ومنضام


الحي فيهم ما تشيله عظامه=وتمتع بفضل الفضيله والاكرام


وحج ولبس بين المشاعر حرامه=وإنا لبسنابه رضا ربي احرام


ولي ثوّر الجو السياسي عسامه=نعيش في خير من الأمن وانعام


شعبٍ على حب الملوك اعتصامه=على الولا له والوفا مخلصٍ صام