يا سعود لو نرثاك في كل مرقاب=ونزعج عبايرنا على كل طله
محدن بملحقنا مشاريه وعتاب=جعلك من اللي تشمله رحمة الله
بعد وداعك يا ابو خالد للاحباب=خيم علينا الحزن والشاهد الله
في جيرة الله يا حجى كل مرتاب=ولا للبشر تغيير في حكمة الله
هذا طريق ٍ مالنا عنه مجناب=ونطلب لك الغفران بريافة الله
مرحوم ياللي لك فالامجاد مقضاب=فالمده الجزله وفي طاعة الله
هجاج بابٍ من تنصاه ما خاب=فضله على روس الفقارى مظله
يا من على خير العمل شب ثم شاب=الفضل والمنه على من هدى الله
شيخ ٍ متى ما شان وجه الدهر طاب=يكرم نهار وليل ومعينه الله
أبو هلا معطي طويلات الارقاب=ومحذي مدورة العطاء من عطا الله