يا بو فهد يزهاك مجد الحضاره=غيرت بالمفهوم معنى المفاهيم


وتوحيد رب البيت شبيت ناره=وجاك النصر من خالقٍ ينشي الغيم


انا هل التوحيد والعلم اشاره=تقولها : ونقول : حزمٍ وتصميم


ما فيه مجد إلا خذينا فقاره=كلٍ درى بالعلم من غير تعليم


وأهل المواقف بين تاره وتاره=كشفتهم تخصيص من غير تعميم


ومن خان في دينه وشعبه وداره=وقسم بلاده للمعادين تقسيم


قواتنا هبت عليهم بغاره=يصحى بها الصاحين وتقوّم النيم


انا عمود الدين قمة مداره=على الشريعه ننقذ اللي مظاليم


ولا خير فاللي ما يثمن لجاره=وينقذ بلاده من هل الظلم والضيم


وحكم الشريعه مجدنا في مساره=وعليك من شعبك سلامٍ وتسليم