العفو من فهد العرب عز ووسام=للآيب اللي عن مباد الكفر تاب


العفو فرصة عمر يحظى بها كرام=ومن فوّت الفرصة تعرّض للأسباب


العفو عند المقدره شرع حكام= تغانموا فرصة مخلصة الأنشاب


فهد العرب يرفع على العز الأعلام= وارقاب نصل سيوفنا فوق الأرقاب 


الدين لحمٍ حي وإنّا له عظام= والشرع حد السيف وإنّا له نصاب


الدعوه الدعوه لها شرط وأحكام= ما توهب إلا يا عرب ذات الألباب


الدين عطف ولين في شرع الاسلام=ما هوب لا حربٍ ولا ضرب وارهاب


شريعة المسلم على طول الأيام =امّنَزل القرآن ما عنه مجناب


وسنة محمد روح تحقيق الأحلام=نقبض عليها بالنواجذ والأنياب


ما همنا ملحد ولا ناقل أوهام= واللي بعد للغرب وانصاره أذناب


الحكم لولا العدل والأمن ما دام=طول الليالي من فضل رب الأرباب


ترى الوعد لمضيّع العفو قدام= بالطيب وإلا من على غير ماطاب