دمك على الطاغي شهد يا محمد الدره وكاد=قدام عقد المؤتمر عطاهم الحل الصحيح


 دمك وطن روح المفادي والفدا مجد العباد=يسقي ظما جدك صلاح اللي توارى بالضريح


 دمك عطر للبيت الأقصى خنته مسك وزباد=وكل العروبه والعرب ذرية البر الذبيح


 دمك فدا وإنا فدا اللي باع روحه بالطراد=نحيا على عز ٍ لنا وإلا نموت ونستريح


 دمك فنار ٍ في عيون ٍ ما تبي ذر الرماد=وترفض بعد حب الخشوم ونظرة الوجه القبيح


 دمك نهار ٍ فيه شاف الناس من ثدي المهاد=عزيمةٍ لو طاحت اعزوم التخاذل ما تطيح


 دمك سما مجدٍ محمد يا سمي الخير هاد=أوصاه أبوبكر وعمر وعثمان مع علي الفصيح


 دمك لغة حاضر عرب ماهو لغة كذب الموساد=النار شبت وانت يا محمد لنار الحرب ريح


 دمك لكف أمك خضابٍ يوم نادو بالجهاد=ونور ٍ بوجه اختك على ذكر العرب فعلٍ مليح


 دمك على وجه الرصاص المنطلق كتلة سواد=يشوفها باراك يوم الحادثه ماتت تصيح


 دمك على ثوبك وثوب الأرض ما ينزف نفاد=ومثلك بعد دم الفدائي في وطنا والجريح


 دمك رساله لليهود ينذر بيوم ٍ للحصاد=هذا الصحيح ان كان به من يسمع العلم الصريح


 دمك على الطاغي شهد يا محمد الدره وكاد=قدام عقد المؤتمر عطاهم الحل الصحيح