العيد والله  ياعرب عيدنا العام = عيد نعايد فيه فهد الجزيرة


دارت دواليب الليالي والايام = واستاثرت  بالشيخ من دون غيره


العام صلى بالحرم  عقب ما صام = خادم بيوت الله نظيف السريره


هذا مكان فيه يلبس به احرام =  وهذا مطافه والوتر والوتيره


هذا مكانه قاعد عقب ما قام =  وهذا مصلى سجدته في سفيره


خدمة بيوت الله على راسه وسام = وسع حرم ربي بهمه كبيره


وهذا مكانه عند تفريق الاخصام= وتحكيم شرع الله بفرد وعشيره


وهذا الورق في مكتبه هو والاقلام =  يمضي به احلام تحقق كثيره


وهذا مكان البشت بالمكتب العام =  والكرسي اللي بالعداله يديره


وهذا ممره من على سمر الاقدام = إلى وقف يامر بشئ وزيره


والدله اللي صبها صابي اغلام =  يمد للفنجال يمناً شطيره


وهذا مكان اليوم تصدير الاجكام = في ماقف به بان حوس المريره


كن العصا في قضبته وحي والهام = وعز لشعبه به يحوش البريره


بالخمس خامس خمس الاركان مادام = وحكّم بها في كل دارٍ وديره


مناهجٍ يكبر بها عز الاسلام = تبصر بها شوف العيون الضريره


به طاحت اعلام وبه قامت اعلام = داعي سلامٍ بالبصر والبصيره


وهذا مكان الحرص صاحي ولانام = في وقفتك بين الجموع الغفيره


وله وقفه بين الحقايق و الاوهام =  يقدح بها من راس فكره نظيره


وهذا مكانك واقفٍ وقفه احسام = امجردٍ بالحق فضلٍ وغيره


تخفض جناح الذل له عز واقدام = وترخي سموع المغفره تستشيره