كل ما ذكر طيبٍ قد تعدى الحدود=ندرك انه تربى تحت ظلك يتيم


	كل ما زادت الحاجات طيبك يزود=وأكرم الزود زودٍ مثل زودك كريم


	طيبك الواضح اللي ما يبيله شهود=ذبحة البخل في نفسك بحدٍ صريم


	في سجاياك ما خلّف وريثٍ حسود=غير بخل النفوس اليوم مالك غريم


	كل ما جفت عدود الليالي تجود=طيب راسك مثل جنسك فريد وعديم


	أنت رحمة إلهٍ في الزمان الجحود=أنت لله مثلك ما تجيب الحريم


	للبرايا مكارم فيض جودك وفود=صدر طيبك على كثر العطايا حليم


	أنت سلطان مجدٍ حايماته ورود=مبلغ الشمس مسرى بارق ٍ في عتيم


	كل ما ذكر مرقا درب طيبٍ يكود=به لقينا طريقك من جديد وقديم


	جعل ربٍ فتح بك للمكارم بنود=يابو خالد يثيبك بالثواب العظيم