حاسدينك في الثرى وانت في عرش الثريا = مامعك به من هل الطيب من يجيلك خشير


كم واحد وده انه يطيب وما تهيا = وادرك ان الطيب كايد وعود مستخير


فيك طيب وفيك يا كاسب الطوله حميا = في مواجيب الوفا ترخص اشوار الشوير


الشهامه والكرم بك تزيد الكون ضيا = والمروه عزها لك يا بو تركي عشير 


من بغى له حاجة في شجر مجدك تفيا = يا ذراهم دون لفح السمايم والهجير 


الفضايل مجدها عن كثير الناس عيا = من كبير ومن على يامدللها صغير


ياحجاج كل ما شاف من ينخاه حيا = من بعيد ومن مواطن ومن شيخ ٍ وامير


يا بشارة ملتجا راعي الكف الخليا = يا فنار من فضل والي القبة منير


لو تقسم مال قارون في عينك شويا = افتخر بك فخر يبصر به الطرف الضرير


وما عليكم يا هل الطيب والشيمه خفيا = المراجل مالها إلا خبير من خبير