تدرون ليه اعيوننا اليوم تبكيه=نسقي بها بقلوبنا غرس همه


 وتدرون ليه الناس تلهج بطاريه=اسمه يسلي عن هموم ٍ مطمه


 لو كان في لحدٍ عن العين مخفيه=ذكره يمشي خافق ٍ وقف دمه


 سلطان بحلام المقابيل نرثيه=وبالماضيات اعلاج جروح ٍ مشمه


 ومن جت به امه باسطٍ ربه ايديه=ومات وكفوفه باسطات ٍ بكمه


 الله يبيحه عد نو ٍ مناشيه=ما فيه شبر ٍ بالوطا ما تعمه


 وما ظن به حي ٍ بيبدي مباديه=غير انت يا موّرد مواريد جمه

مات الكريم و(ماكر العز) يرثيه=(عبدالعزيز) اللي بكى موت عمه


ما هو لحاله من فقد موت غاليه= سلطاننا تبكيه عالم وأمـــــه 


وأراملٍ ن وأيتام تبكي وتنعيــه= منـابر الاسلام هي والائمــــــه 


والخيل والبيداء وليل وحراويـه= وسيفٍ ن صقيل ورمح بالعز زمـه 


حتى السحاب اللي صدوقه مناشيـه= يغبط ثرى قبر على الارض ضمــه


من طِيب عُوده طَيبْ العود طاريــه = فأرجى الوطن مسكه وطيبه نشمه 


ما مات سلطان المكارم مباديــه = كفه عطى هداج تيما وجمـــه


نــو الخيال اللي تتابع مراويه= وعز الشموخ اللي علا كل قمــه 


نظرات حرٍا فـــــوق ربي معليه= لهد كبر باسم ربك وسمـــــــه 


في فرحة الاطفال واللي يواسيـه = وفي نصرة المظلوم لا زاح همـه 


في كل نور يشع وجهه تلاقيـــه = نور يتلألأ عز والله متمــــــه 


مات الكريم وفعل يمناه محييـه =في صفحة الامجاد تاريخ لأمـــه 

 حي القصيد وحي فاخر معانيه=ما كل شاعر يشعل الناس يمه


 في منهج الشعار يعني أجاريه=الوزن واحد والقوافي تتمه


 الطبع طبعه والمواري مواريه=ياللي يشابه بالكرم مثل عمه


 يا فارس الاحسان حاضر وماضيه=في كل ساحه يعتلي فوق قمه


 نوخت فكري وينك الحرف لبيه=هذا وطن كل المشاعر تعمه


 حزنك يابو تركي مثل حزننا فيه=الأرض تبكي والمواطن والامه


 يبكي أبو متعب على روح مغليه=أقرب من يديه الكريمه لكمه


 لا ما توانى عن عضيده وفاء فيه=استقبل الجثمان وده يضمه


 سلطان حي بما تجوده أياديه=شيد بيوت ودايم البير جمه


 كم ضعيفٍ جاه عاني ويغنيه=وكم من يتيم ٍ بالحنايا يخمه


 يضحك ويخفي كل جرح ٍ يعانيه=ما يشكي إلا لربٍ يهمه


 سجل لنا التاريخ أروع مباديه=أجيال تقرأ في الكتاب وتصمه


 الله يعظم أجرنا وأجركم فيه=يالله عسى جنات عدن ٍ تلمه

المبـــتـــــــدى وشــلون بالله اســـمــيه = ما دام  في صدري من الحزن غمه


اكتب وعيا صادق الشعـــــر يرضــيه = موتت عزيز القـــــوم تحــرق لدمه


سلطان راح وفعل سلـــــــطان يطريه = كم مــــن يتيما عطف سلطان لــمه 


وكم من سجينن من قضى الدين معفيه = ريحه مــــــــن دينه وفــــرج لهمه 


سلطان وجــــه الخــــير محدن بناسيه = مات الكريم وباقي الــــفعـــل  قمه


والــيــوم ابو تــــركي بعـــمه نعــزيه = لـــو ان ابــو خالد فــقــيد(ن) لامه 


و قافـــه عـــلينا لازم انا نجــــاريه = وندعي عسى الله يرحــم اليوم عمه 

سافــر وحـّنا ننتظر في  حراويه =والمملكه شالت على الراس همه


على الأمل في رجعته نحتفي فيه=لاكـن جــات الكارثـه والمطـمـه


مات الكريم اللي بعيده مـرامـيـه=والذكر يبقى حـي والقـبـر ضمه


يا الله  بالحسنات والأجر تجزيه=وثبّت السانه  في  سؤالً  يهمه


ياطيب ابو خالد وياطيب ماضيه=بحر ٍ غزير ٍ ما يغـلـق مـجـمـه


حتى الكرم يفخر اليا حل طاريه=وشلون مايفخر وسـلـطـان عمـه


يا الله ياللي كل مّن مات  تحييه=تكتب له الفردوس دعواة الأمه