المجد من عرشه عاليٍ واستوالك =جابوه عشاقه من الراس واهدوه


امبايعينك بالولا والوفا لك =شفنا الصلاح اللي بك الناس شافوه


ياسيدي سلمان من حبنا لك =صافي غلانا يا ابيض الوجه مدوه


الشعب بيعة دينهم كلها لك =حقق لهم رب الملا ما تمنوه


يالواصل اللي واصلاتٍ حبالك =مابه ولد ماشاف طيبك مع أبوه


الشعب كله بايعك بالولا لك =حبٍ على غيرك مدى العمر ما اصخوه


إنا عيالك طيّب الله فالك =نرجي من الله مايوريك مكروه


شعبك إلا ضاقت عليه المسالك =طيبك وجاهك فالبلد ماتعدوه


ماخاب من شد الرحال وعنا لك =ومايلحقك في وقفة الطيب مشروه


بشاير الفرحة بهلة اهلا لك =الأخو بشر بك من الفرحة أخوه


للعدل كلِ قال ياطِيب فالك =هذا الذي في منهج الحكم راموه


مجد الولاية للعهد شوقها لك =قدام أقوله قبلي الناس قالوه


الكلمة اللي ودي أردها لك =حبك على الطاعة هل الدار ربوه


كنك على سبع الجزاير لحالك =أبوك حَب الشعب قبلك وحبوه