الله يـجـيـرك يــــا ذرا كـل خايف    =  في ساعة ينشف بها الحلق والريق


جاهـك..ومالـك..لـلـمـكارم ولايف  =    في "معجم التاريخ" غربٍ وتشريق


كم من (رقـبـةٍ) تحت حدّ الرهايف =    أعـتـقـتـها والمطلب اللي بها سيق


ظـلـك يـظـل وطــيبـك الجـمّ نايف     =  يـشـهـد لـك الخالق وكل المخاليق


لك في سنام المجد بيض الصحابف   =    يـوضـي سناها بالثناء هامة طويق


يا "أبو هلا"مجد الوفاء فيك شابف  =    مـواقـفٍ لـك في عطـاها مـواثيــق


ركــن المكارم بالسـنـيـن العجايف   =    غـيــثٍ من الخالق تغيث المشافيق


طـيـبـك طـبيعة ذات ماهو طرايف  =    مــتـعـمـقٍ في روح سـيرتك تعميق

"الله يجيرك يا ذرى كل خايف=كلن لفعلك سيد الجود شايف


ينصاك من لآفه من الوقت لايف=عندك ثقيلات القضايا خفايف


يابو هلا بين الملا لك صحايف=ياسيدي بوجودك الوقت كايف


في قصرك العامر لفى العز ضايف=وسلمت ياحرٍ تعلَّى النوايف


في ساعة ينشف بها الحلق والريق"=الله عطاك الطيب طبعٍ وتوفيق


يالليث يا غيث الكبود المحاريق=ومن لاذ بك عده رقى قمة طويق


بيضٍ زهت بالطيب قدم المخاليق=لك منزل بالقلب وسط المعاليق


والمجد في دارك غصونه مواريق=يا مشوَّق الشعار للشعر تشويق

الله يجيـرك يـاذرا كـل  خايـف=في ساعةٍ ينشف بها الحلق والريق


يآبو هـلا يامعتلـي كـل  نايـف=يوم المرآجـل ماتجـي بالتوافيـق


ياماسح دموع اليتامـى الذرايـف=يامفرجٍ كربـة شيـوخٍ  مزانيـق


جاهك ومالك مع يمينـك  ولايـف=وأهدافها زرع الوفـاء فالمخاليـق


ومنطقك أحد من السيوف الرهايف=وفعلك سبق حرٍ يتـل  المسابيـق


حبك جرى وسط العروق الصخايف=ياللي بفعلك شامـخٍ كنـك طويـق


وماجور تنشر لك بشتّى الصحايف=ماهيب تهدا لك بوسط  الصناديـق


جعلك فدآ لأهل النفوس الضعايـف=اللي تفاخر عند مرزوق  ورزيـق