سلامتك منجاة يا طيّب الفال=ونصر ٍ من الخلاق رب الخليقه


 بالدين والدنيا على كل الاحوال=تبت يد العابث بحق وحقيقه


 المنتحر تصبح له النار منزال=طريق كفار العقيده طريقه


 والله نصر توحيد الاوطان برجال=وحكم ٍ كفوفه بالشريعه وثيقه


امجار يا سلالة مغاوير وابطال=قوم ٍ يحدّون العدو في مضيقه


 دون العقيده ترخص المال والحال=وجيهٍ على حفظ الرعيه طليقه


 ما همهم عابث ولا كيد محتال=ورجس ٍ يبون الدار تصبح حريقه


 أخزاهم الرحمن في راس ما طال=خزي ٍ تكاشف للخلايق بريقه


 خوارج ٍ بالكفر والغدر تغتال=للنصح ما هم يابن عمي مفيقه


 تهدم عمود الدين وتغرر أطفال=ومن كفّر الوالد يكفّر شقيقه


 نبي عليهم ساعةٍ تطرب البال=تقطع بها دابر عروق ٍ غريقه


 من كابر أهل الدين والدار ما طال=مهما يطول الوقت ربك يعيقه


 يا محمد اسلم للأمن ستر وظلال=يبل بك دينك من العز ريقه