ارفع الأقدام عن سبع الأراضي=لاتدوس اترابها وأمي تحتها


كل مؤمن بالقدر والموت راضي=بس هالمره ملائكته خذتها


مال خلق الله على الموت اعتراضي=وإلا كان أرواحنا والله فدتها


وما يعودقاطف الأرواح فاضي=والمنايا كان عفت مانصتها


كمل الأخلاق ربي بالتغاضي=والخطية لو تجيها صرفتها


فرقها فرق السواد من البياضي=ميلة الايام ماوالله شكتها


طيبها ملموس ما فيه افتراضي=دمعة عيون اليتامى ماسحتها


أًم بندر من خلقها الله أتحاضي=بنفسها اللي للمكارم ناذرتها


أمر ربي من على الأرقاب ماضي=المنايا ليتها والله نستها


نورها من غيهب الألحاد ناضي=المقابر بالفضايل نورتها