يا عيد وين مدلل المجد وينه=شعبه ينادي له على راس ما طال


 الحب يكبر بين داره وبينه=حب الحضاره من بعد هاك الاطلال


 لو المحبه مثل حبه مدينه=مال أحدٍ غيره بهاليوم مدخال


 مفتاح باب الكايده في يمينه=بالطيب والا في بعد كل الاحوال


 أدنى شهوده بالشهامه سنينه=واقصاه تاريخ ٍ حفظ فعل الابطال


 تاريخ مجدٍ بالفعل كاتبينه=يقراه جيل وتحفظه منه الاجيال


 سلطان حب الشعب في نون عينه=يشوفه اللي جاه من ضيقة البال


 حافظ على شعبه وداره ودينه=وفدوه بارقاب الولاء مابه اشكال


 وسلمان عز رياض نجد وضمينه=أخو الوفا لاهل الوطن فال واقبال


 يطلق حجاجه قبل يضحك جبينه=خلا المعالم في ثرا الدار تختال


 يا عيد مجد افعالهم خابرينه=دون الوطن يفدون بالحال والمال


 اللي مواقفهم كبار وثمينه =قوم ٍ لهم في قمة المجد منزال