سلطان وينك كمل الصبر كله = ما عاد به فالصبر قوه ولا حيل


 عجّل ترانا كننا فوق مله=وكن الليالي من بعد غيبتك ليل 


 إمبهر ٍ لك بالحرمين دله =فنجالها حب الرجال المشاكيل 


 والبر في نجد العرب زان حله =شوف الفياض اللي تبي علها السيل 


 سلطان عقبك ما على الدار ظله =والروس من هم الليالي مثاقيل 


 يا طول ما هلت علينا الأهله =نعدها والشاهد الجدي وسهيل 


 نبي حجاجك بين شعبك تفله =فالمملكه يا سيدي فلة النيل 


 يابو فهد تكفا تجمل وقله =نجدك عليه دموع عينه هماليل 


 نجدك فقد من داير الحول خله=ماله بغيرك شف موجز وتفصيل