دخلت في قلبي على كيف كيفك=حكمتني به يوم وسطه توطنت


 لقيت به من قاسي الوقت ريفك=وعلى البنات بفرق زينك تسلطنت


 وخليتني في مجلس الحب ضيفك=كنك على ملكك بقلبي تطمنت


 موسم ربيعك ما يجي مثل صيفك=احسب حساب الوقت والعمر لا هنت


 أول يسليني عن الشوف طيفك=واصبحت اشوفك كنك اليوم ما كنت


 علم عيونك لاتعلّم بحيفك=حتى ولو انك بروحي تمكنت


 لا يسبق ايام المحبه خريفك=وترجع تقول لزاهر الغصن وين انت


 كثر العتب يزعج مسامع وليفك=أيقنت وإلا قبل مانساك ما ايقنت