سيدي السامر ترا مابه بدالك=سيدٍ  لي لا أمير ولا ملك


سيدي أنته وساداتي عيالك=حيث هم من صلبك ومنك ولك


يحفظك ربي بحلِّك وإرتحالك=جل شأن اللي رفع لك منزلك


سيدي ماجيتنا باذّكر فعالك=أنت صعب وصعب شعري يوصلك


أكتب الأبيات وأعدد خصالك=أثرني مازلت بادي فـ اولك


بين أبوك وبين جدينك وخالك=من سلالات الحكم متسلسلك


وكم عريبٍ مير ماهوب بمثالك=لأنك أنته فوق أصلك تمتلك


راسك الطيب ويمنى ماتّمالك=لو يجيها المال ينفد ويهلك


وبعد ظل الله يظللنا ظلالك=وبعد فضل الله علينا الفضل لك


إنتجمل من عطاياك وحلالك=جعل ربي يالكريم يجملك


أشهد إنّا نطيب لامن طاب حالك=وإن زعلت إنّا يزعلّنا زعلك


وداعي الأبيات هذي شوقنالك=حتى وإنّا نوادعك نشتاقلك