لو غاب ابو راشد عن الدار ما غاب =له مجلسٍ عامر وكلٍ يجيله


مفتوح لـ الضيفان والناس الاجناب =والباديه والشوخ واهل الفضيله


ما خاب من ينصى سموه ولا خاب =ظن الرجال اللي نصت تشتكي له


ينصاه مظلومٍ من الوقت منصاب =حمله ثقيل وما لقا من يشيله


واللي تردد في سؤاله ومرتاب =يدري وش اللي فيه قبل يحكي له


عز الله انه ما قفل دونهم باب =يشيل حمل ويرتكي لـ الثقيله


يا كثر ما يبذل من اسباب واسباب =بالحلم والحكمه ورايه دليله


واللي جعل من سيدي مصدر اعجاب..= بحر مكارم والعطايا جزيله


سلايل اهل المجد فكاك الارقاب=وليا بغى له حاجة تستوي له


يبقا ويبقا اسمه على راس مرقاب=والعز غايه والفعايل وسيله


ما قال لا..! الا على فعل الارهاب=اهل الفتن واهل العلوم الرذيله


والزمره اللي مالها حل واعراب =يركي عليها بالسيوف الصقيله


له وقفةٍ ماهي لـ ابو زيد وذياب =ومن لا نصى شرواه وا عزتي له


الله يرده للوطن بعد ما غاب =النادر اللي سابقٍ كل جيله