بعــض العــرب يمشــي على بحر الأوهام =يــرقد نهـــاره وآخــر اللــيل غايــر


والــى تنــبه مــن مــنامه والــى قـــام= يفــرق الأوراق فــي كل عايــر


والمشــكلة ماهــي تحــت رؤوس الأقــلام=المشــكلة ممـــا تكــن الضــماير


لا والــذي عــن كــل الأســرار عــلام=لــو جــازت الرحمة علــى أم الكباير


يــا مفطــرٍ بالصــوم والـــناس صـــيام = راحــت حــياتك بيــن نقــص وخســاير


إنهــض تــرى مــا طــاب للعــبد مــادام=تعمــى العــيون ولا تتــيه البصــاير


احــذر تلــد خــلاف والــدرب قــدام =واعــبر طــريق مثوريــن الذخايــر


عوايــد المســلم غــيورٍ لـلإســلام =وجمــيع ديــنٍ غــير الإســلام بايــر


وبــالك تــدور بنــت قطــاع الأرحــام= يصــبح ولدهــا لـــك قريــب حضــاير


همــاز بيــن الــناس واشي ونمــام= ودمــه لــو إنـــه داخــل الــثلج فايــر


وإن كــان فــي رأســك مطــاريد وعــرام=عظــــــمٍ ســليم ولا لفايــز جـــــــباير


يا جــاهلٍ بالوقــت والوقــت حــوام =لا بـــد للجـــاهل تــدور الدوايــر


دنــياك مـــا دامـــت لعـــباس ودهــام =ولا جـــت لـــبوزيد الهلالــي برايــر


والجـــاهل اللي غرته حمـــر الأنعـــام =مــا يــدري بمــا قــدر الله صــاير


مــن حــج بيــت الله ملــزوم بحــرام =وطيــب الحــزام ولا خــيوط المرايــر


تــرى الجهــل لبــيوت الأجــواد هــدام= والعلــم نــور وفــيه خــير البشــاير


خلــك علــى البــتعه عــزومٍ وجــزام =أووط الحــنوش و لا تطــب الخــباير


كــم واحــدٍ يمشــي علــى مــخ وعظــام=والــيوم مجــدوعٍ بوســط الحفايــر


عــزك بواحــد يــوم يســوى مــية عـــام=وكــم فرصــةٍ راحــت عليــنا خســاير


خذلــك بمقــدار الشــرف درع ووســام =ولــو لا جــناح الطــير مــاشيف طايـر


تبــي العــلا ففـتق لهــا ادروب وأكمــام= واعــبر علــى الدنــيا بحــور وجزايـر


جــرب جــنوب وجــرب الشــرق والشام =مــا فــارس إلا فوقــه العــج ثايـــر


إمــا ركــز بالعــز لــك سبعة أعــــلام =وإلا ســمحت مــن الــنكد والعزايــر