فاجعة الأمة العربية والإسلامية بفقد ولي عهد المملكة العربية السعودية نائب رئيس مجلس الوزراء وزير الداخلية الأمير نايف بن عبدالعزيز يرحمه الله رحمة واسعة شجونها حزن وألم يخترق النفوس المؤمنة بمثالية النايف لتدفع بالقوافي الشعرية حيث يكون تأبين الرجال المخلصين لدينهم ومليكهم ووطنهم ومواطنيهم والعرب أجمع.

 العزا لك يا إمام المسلمين=ولأسرة آل سعود يا قيدومها


 والعزا للمملكه في كل حين=وللعيون اللي جفاها نومها


 نايف الله يرحمه دنيا ودين=صحوة الأفكار هو زيزومها


 ما ذكرنا للعقل مثله ضمين=يجنّب النفس البريه لومها


 منهجه منهج رياض الصالحين=عارفٍ أهل الفتن وعلومها


 صد غارات الرفض والملحدين=وحية الإرهاب وسط كمومها


 وغير دين الله بداره ما يبين=دعوة التوحيد شد عزومها


 باذل ٍ جهدٍ قوي ٍ ما يلين=ناقل ٍ حمل العرب وهمومها


 خلده في صفحة اللي خالدين=حبه لداره وحب سلومها


 إرحمه يالله رب العالمين=العدا لطم الفعل بخشومها


 للعقيده نايف الحكمه عوين=مغلي ٍ وسط المحافل سومها


 ومن يحج البيت بالأمن الحصين=عاد سالم والسما بنجومها

ابنك المخلص عبدالعزيز بن سعود بن محمد آل سعود