نهني انفسنا قبل ما نهنيك=شرفك أبونا بالثقه وانت اهلها


 من طيب راسك طيّب الله معانيك=في يوم فيه النفس تجزى عملها


 ولاية العهد السعودي باياديك=انت اهلها يابو فهد وانت املها


 مجدٍ تناديله ومجدٍ يناديك=ومجدٍ يبيك المايلات اتعدلها


 ومجدٍ على درب المعالي مخاويك=ومجدٍ ركابه بالصفات تعقلها


 الله بحبٍ يرفع الراس معطيك=كرامةٍ غير الرسل ما حملها


 مبادي الإسلام منهج مباديك=اللي وساع ٍ بالعقيده سبلها


 في وحدة التوحيد تشعب معانيك=معاني ٍ بالنصر ربي كفلها


 كل المكارم في عزومك مماليك=تاخذ بها تاج الوفا بمحفلها


 الشعب من حبك عيونه تراعيك=وبشوفتك روس المشاكيل ولها


 يابو فهد والله ما حل طاريك=بهرجة مود إلا يقولون قلها


 كل المعالي بالشرف لك تناجيك=ولا زادت حمول المحبين شلها


 وهقاوي أحمد روحها من هقاويك=مواكبٍ بالفكر تمشي قبلها


 سَموه كل الشعب غيث المداريك=مناهله من ورد نايف نهلها


 أحمد إلى ضاقت دروب المساليك=ما فيه دار ٍ عاليه ما نزلها


 عضيدك اللي فيه تكبر أمانيك=يرسي على سبع الأراضي جبلها