الطيب طيب النفس في كل الأحوال =ما هو بطيب اهل الحكي والسواليف 


اللي بكبر الهرج والبذخ تختال =وعلومهم لا عود الصدق تطفيف 


من لا يبهر طيب راسه بالأفعال =الى ظهر مع جملة الناس ماشيف 


اللي الى قالو وقالو وهو قال=يظهر على غيره بروس المشاريف 


مواقفه يفرح بها ضايق البال =ما هو بينشد عن كبار التكاليف 


وان مال خبلٍ يرضع المال ما مال=على النقا طيبه معزه وتشريف 


وبيت النذاله يا عرب روس الانذال =اللي ركايبهم تقافا مواجيف 


تبي الصراحة ما بهم طيب الفأل =يا معلق ظنونك ضعونٍ مناكيف 


لا قلت  : يمكن ذا مميز ورجال =لقيتها من بين حدب السراجيف 


وغيب الردا ما فيه أبد شك وجدال =يالله عليك من الزمان التصاريف 


احدٍ  علينا غيبته  زود  غربال=واحدٍ علينا غيبته زود تخفيف 


سوالفٍ عندي قصيرات وطوال =تفرق مواليفٍ وتجمع مواليفٍ


أفكار في راسي من سنين تجتال =اصبر عليها صبر وأكرم الضيف