يا وطنا طال عمرك على عزٍ وأمان =فيك هاجس حبنا منك يكبر من غلاك


بك صباحٍ وسع الصدر في ذاك الزمان =حدثونا عنه جداننا اللي في ثراك 


المهلل بالذكر تاليٍ أول بيان =الحكم لله ومن ثم لمعزي عزاك 


في قلوب الشعب بين الحنايا لك مكان =يا ذرانا كلنا يوم ضيقاتك ذراك


حبنا خيلٍ تواثب له الروح العنان =يا وطنا كل ما تملك يدينا فداك 


يا وطنا بين الأوطان لك رفعه وشان =مهبطٍ للوحي والبيت في طاهر حماك


في حما الله يا وطنا على عز وضمان =الله اللي ظلل الدين في قبة سماك 


يا وطنا فيك دين الشريعة ما يهان =الله اللي عن هل الرجس والفتنة حماك 


ما يضام بك المواطن ولا يشكي الهوان =يا وطنا ملحتك بالمثارا شرب ماك


يا وطنا الحب بك والوفاء مثل الخوان =دونك الأرواح تنباع بيعٍ ما خفاك 


لك نقدمها هدايا على روس السنان =مالنا حب وهوى غير يالغالي هواك 


من ثراك نعفر اجباهنا عند الأذان =ما روا بك غير من هو على الشده ظماك