الحال والله ما عن الحال منشود =من فضل رب البيت من خير في خير 


ما غير اقلب هاجس البيض والسود=وامشي ورا الاقدار واجب وتقدير


فكرٍ مع اللي بالوفا ما له احدود=الى حصل بالوقت غيره وتغيير 


هذاك أبوي اللي على بالي اسعود =ابو هلا يا جعلها له مسافير 


وفكرٍ مع اللي بالعدل تاخذ الزود =ما دوروا دون المنادي معاذير 


أهل الوفا اللي من على الهون والكود =حكامنا تفرق بحسن التدابير 


وَيَا نجد وردك في خفا النفس ما رود =هواجسي بك مقبلاتٍ مدابير 


يا دار قومٍ دللت بالوفا الجود =افياض روحي كلها بك نواوير 


لا والذي ينشي مخاييل ورعود =أن الغلا له في سما الوجه تعبير 


حب الوطن في مهجة الروح معقود =والحب ما له من هل الدار تبرير 


عدونا يمسي ذليلٍ وملهود =أنا عيال الدار ما فيه تفكير 


وانا هل التوحيد وانا هل القود =من دون دين الله نمشي طوابير 


لا جا نهارٍ بين حاوي ومردود =تركز بِنَا الصفراء غوى الراس ونغير 


منهج سلف من راس وصا به العود =على عداء الاسلام هلل بتكبير 


ما فيه غير الله على الارض معبود =رب المُلا من غير زودٍ وتقصير