اخر ما افكر فيه غدرك بوامنك=أمنّتك القلب الجريح وطعنته 


 اقفيت واثق فيك مني ممكنك=ما اظن تطعن قلبي اللي سكنته 


 إلا ومع هذا على العهد ضامنك=قلب ٍ خدعته بالكلام وفتنته 


 واثرك تدور غدرتي قدر ما امكنك=عرفت انك في فؤادي مكنته 


 يوم اكتشفت ان الغدر صادر ٍ عنك=عقب الغلا والحب بالعين هنته 


 ابعد وانا ابعد عنك ما والله اطعنك=لو كان ما به غير انا اليوم وانته 


 يومك خدعت القلب والقلب وطّنك=في هاجسي غرك زمانك وخنته 


 يا غادر اللي وامنك عيشتك ضنك=ارتاح قلب ٍ بالمحبه محنته