سلمان مجده للعقيده عناوين=ان كان ما شفته بعينك قريته


خادم بيوت الله بالعسر واللين=يوم التفت للحوثي وقال جيته


بفعلٍ يذكّر عند الأقصى والادنين=عند الملا من سطوته ذاع صيته


يوم ان هادي قال وين السلاطين=اعداي هدو داري اللي بنيته


ونخا سطر سلمان بين الموالين=جاه الزعيم بعاصفة مستميته


بالحزم عاصفة الحزم بالميامين=دكت حصون أهل الضلال المقيته


للحوثي اللي خالف الشرع والدين=يحسب حدود المملكه حد بيته


خلا اليمن مسرح عبث للشياطين=باع البلاد وقال جاره شريته


حكامنا لمخطط الغدر واعين=وابطالنا تحمي حماً ما حميته


ان قاله الله بعد يومٍ ويومين=الحي ما يقدر على نقل ميته


ابو فهد سلمان ضد المعادين=يرمي عمامة هامته لا نخيته