لا ضاقت الأيام في كل حالي=فلا  لها إلا فالمواجيب سلطان


حر ٍ مهدّه من على راس عالي=خالي وقف له بالمجاذيب شقران


وراي ما أفخر وابيض الوجه خالي=للطيب أبو نايف والامجاد عنوان


هاتو – بمثله –  بين مر ٍ وحالي=من دون تقصير ٍ بذربين الايمان


من يوم اشوفه طاب كيفي وفالي=والوقت لا شفته على خاطري زان


من مارثه بالطيب هاك الرجالي=روس ٍعقيدتهم على خمس الاركان


متوارثين الطيب بأول وتالي=وهاك الفعول أكبر دليل ٍ وبرهان


لا هبت النكبا جنوب وشمالي=حماية التالي على سرج وعنان