قصيده في الامير سعود بن عبدالعزيز كلمات شاعر ال سعود السامر في ابنه سعود
يا سمي ابوي مانامت عيوني=اتقلب من يمين ومن يسار
ليتهم بالسالفه ما علموني=واقعٍ مابين صبر ٍ وانتظار
من يشوف الحرص كله في عيوني=ما درى انه في فؤادي فوح نار
كل ما ثارت من الضيقه شجوني=قلت اخو راشد حرار ٍٍمن حرار
وكل ما كلمت والا كلموني=اطلب الله سر لك والا جهار
عذبتني فيك يالنادر ظنوني=كن في عيني من همومي شرار
شدني خوف النجاة وخبروني=انك بخيرٍ وعزٍ واقتدار
انت واخوانك عساهم يسلموني=خصكم رب الملا عز اوقار
شاعر ال سعود_ السامر |