يشفيك رب ٍ للمخاليق شافي = ربٍ لعسرات الشرابيك حلال


ابشر من الله ربنا بالعوافي =الشعب يدعي لك على راس ما طال


يا بو فهد قلبك من العدل صافي =والعرف والمعروف في كل الاحوال


اشعلت نور  ٍللعرب كان طافي=حقايق ٍ يشهد بها كل رجال


واليوم شعبك ما عليهم خلافي=امن ٍ وامان وعز مع راحة البال


والأمة اللي جرحها كان خافي =داويت علاته بتدريب الابطال


على العقيدة سترك اليوم ضافي =يا معدل ٍ بالدين والشرع ما مال


تشهد  عداك انك مع الحق وافي =يشهد بها الغاوي ويفخر بها الدال


نظرك دايم  ما يعود خلافي =سور  ٍ على البيتين بالجهد والمال