ذكرى لها في هامة المجد منزال=معها نعيش العز في كل حاله


ذكرىً وقود اليوم تحقيق الآمال=على يد معزي أمين الرساله


عبدالعزيز اللي على راس ما طال=تنشر له البيضا على كل حاله 


وحد بلاده يوم قالو وهو قال =والظلم فكر فيه وأنهى مجاله 


خلا الامن في كف راحل ونزال =يامن به الطرقي على كل ماله 


وعلى السياسه بالعقل طول البال=حتى على ما يشتهي طاب فاله


وثق مبادي منهجه والجهل زال=والعلم هل أبمعطياته هلاله


وأصبح بداره للعرب حصن وظلال=ولأمة الاسلام شرق وشماله


طور مفاهيم الحضاره بالأجيال=وناخذ من الحاضر عليها الدلاله


العدل واقعهم على كل منوال=خدام بيت الله جلا جلاله


وابو فهد سلمان ورث لنا انجال=وهلال عراب السياسه كماله


محمد محمد بلا شك وجدال=محبة قلوب العرب كلها له


واليوم عنا اليوم ما سايل سال=أمن ورخا مع طيب شعب وجماله