يا عضد ابوي وذخر جدي فقدناك =ياللي بمثلك ما تجود الليالي 


طابت لك الايام من طيب يمناك=مرحوم عد الذكر بأول وتالي


مجد العقل في قمة طويق ناداك =ترقا مراقي بالوفاء كل عالي 


مسقي على درب المراجل ظماياك =سحابة ٍ تروي جميع المفالي 


يا سعد عين اللي من الوقت ينصاك =يلقى لراسه في جنابك اظلالي 


والله يابو فيصل من ادناك لاقصاك=ماجابت الخفرات مثلك مثالي 


طيبك يلحف بالمراجل دناياك =مثلك شنار المجد في كل حالي 


راجح عقل من كون الكون مبداك =مبدأ الأئمه من جدود وخوالي 


حر  ٍ على روس الشواهيق مرباك=مجدك بهداتك يصيد الجزالي