ويــلاه مــن شــوف الشــعر فــي جبيــنك =طلايقـه يــوم انتــثر قلـت جنّــيْ


شــفتك ولكــن ويــن حظــي وويــنك =وشــفت العــيون الســاهيات وشــجنّيْ


ويوم الــتوى بعض الشعر فــي يمينك 	=كــل الحــلا اللَــي بــك غريــب وفتنِّــيْ


عــرش الهــوى خلقــت له رمــوش عينك =عكــشٍ بحــربة حبّهــن صــوّبنِّـــيْ


عــطْ قاصــرات الزيــن مــن زود زيــنك 	=عطهــن تــرى نصــف المطالــب تمنِّــيْ


عمــرك يــنادي مامضــى مــن ســنينك 	=أيــام عمــرك كنهــن يرجعنِّــيْ


عينــي وقلبــي والعقــل عاشــقينك=شــفتك وشــفت الــزود عــن زود ظنِّــيْ


وثــق عهــود الحــب بينــي وبيــنك =فـتي معــركة حـــبّك عــيونك خذنــي