العتب جايز وخلّه باختصار=بس ما أقوى منك نظرات الشمات


البكا لك يا نظر عيني وقار=عزّل الدمع الرموش الواقفات


مثل طلًّ في زهور الورد حار= حار ماساير دموعٍ نازلات


إن مسحته راح بكفوفٍ تغار= منه لا عانق ورودٍ ناعمات


كلّما ترخي عليها بالخمار= تجدف أطرافه دموعٍ حايرات


وغرّةٍ مفلولها حرَّك وطار= وطار معها عاشقٍ يقوى الثبات


اتجاهه وجّهَهْ لك واستدار= هام في حبك على كل الجهات


الليالي حكمها قاسي وجار=والعذر فيه المعاني قاصرات