غنّو معه خلّوه يطرب وأنا أشوف= الطار من يمناه لا تاخذونه


مشاعري له دف وأحلامي كفوف= يلعب بها لعب الورق في غصونه


كنّه لحاله ما قضب غيره دفوف= يحتج وشهوده علينا عيونه


رمشه على ورد الوجن يكتب حروف= لا سلهم بحور العيون الفتونه


إن التفت لي شفتها منه معروف= وإن صدّ قلبي منه هاضت شجونه


بين الرجا والشك والحب والخوف= اللَّي يبون أهل الهوى يفعلونه


ما صدّ عنَّي هجر . . لاشك مكسوف= أو خاف حسّاد الملا يجرحونه


أبي أمل وأعطيه من وجدي ظروف= نفسي تراها بالغرام مغبونه