ابعد واقرب وانت للبعد ناوي=واقرب وتبعد وانت للقرب مشتاق


بيني وبينك هاجس امر سماوي=مافيه ابد اصدق من الحب ميثاق


حبي وحبك يا عيون النداوي=يبعد ويقرب مثل رمش الاحداق


واهات مجروح المحبه عزاوي=يصرخ بها قلب من الضيق خفاق


في حبنا يا صاحبي لا تراوي=اذكر جميله كل ما خاطرك ضاق


وعلم عيونك تستثير النخاوي=حرب الغرام اصغر ضحاياه الاخلاق


لك انت قلبي بالمحبه نحاوي=ولا قد طرا لي بالهوى طاري افراق