New Page 3
جديد الصور
جديد البطاقات
تغذيات RSS
|
|
الشاعره / فتـاة نجــد
1427-04-01 12:43 PM
جزيل الشكر والعرفان يرفع بالوفا موصول= من الأعماق يحمله الشعر باجزل عباراته
يقّدم للأمير اللي يقول وبالفعول يطول =مواقفه الثمينه دايمه والطيب عاداته
أبو راشد إليا صارت براهين الكلام فعول= فعايل شاعر آل سعود مشهوده ووقفاته
كريمٍ كرّم الشعر الأصيل وحقق المأمول= وأعاد الروح للشعر الثمين بكل ساحاته
فتح باب التنافس للقوافي والصعب محلول= ونوادر جوهر المعنى يشرفهم مجاراته
قصيده دايم ٍ قمه وهو بالمرجله مجبول =يفوق الوصف بأشعاره وبأفعاله ومداته
تقدم بالجوايز للقصيد وللقصيد فحول= عمالقة القصيد اللي تبيّن عند حزاته
هل القاف العريق اللي معانيه لها مدلول= دليله يشهد التاريخ والعراف باثباته
يصوغون المعاني من خذو بالشعر عرض وطول =رقوبه للشموخ وحكموا نظمه وميزاته
وتغنوا به هل المعنى وهو طول الدهر مقبول= قصيدٍ للمعالي طايله بالعز هاماته
يفاخر بالوطن وأهل الوطن وبسيفنا المصقول= زعيم ٍ بالرخا والأمن حافلةٍ سجلاته
أبو فيصل فهد قدره على روس الشعب محمول= حبيب الشعب شعبه للأبد رهن لاشاراته
عسى عمره طويل ٍ صادق الوقفه صريح القول= حفظ ربي فهد وأدام عزه وأسعد أوقاته
أختكم فتـاة نجــد
|
خدمات المحتوى
|
|
|
الرئيسية
القصائد
الأخبار
الصور
البطاقات
الفيديو
