لا تناديني وصوتك ما اسمعه=ولا تعلّقْنِيْ على وهم وخيال


انتهينا مـــــــن غرامٍ مطمعه=شوفةٍ ميعادها رأس الهلال


أوّل أفاخـــــــر بحبك وأرفعه=وافرح بطرياك إلى جابوا مجال


وأحسد اللَّي دايمٍ تجلس معه=بين عطفك يا حبيبي والدلال


الرجا حبل المواصل تقطعه=عنك قلبي بالهوى يازين مال


ما مضى لي في هواك مودّعه= لا تقول أرجوك لاطال المطال


عايفك قلبي وكيف أقوى أمنعه= رح وأنا باروح يا ولد الحلال