وجدي وجود اللي على الغبن حدوه=عزيز قوم وشاف بالعين ذله


عجزو يبارونه بطيبه وسبوه=وكلٍ قضب حبل المهونة يتله


عقب الغلاء اللي فات بالعين وروه= مهونةٍ تحرق حشاه وتسله


طّيب ولكــــــن المقاريد ردوه=والشيب لاح بعارضه قبل حله


وإلا وجود اللي صويب وتوطوه=عدوانه اللي من قديمٍ مغله


صاح لبني عمه وربعه وخلوه=خلوه طايح والمعادي يغله


وخذوه أسيرٍ في وطنهم وهانوه=وعليه ياطول السنة بالأهله


أمرح وحيدٍ والحبل فيه ثنوه= ماله نديم إلا النجوم المطله


الله عليهم يوم طاح وتولوه= نسو وفا الجدان دقه وجله


وجدي وجوده يوم بالقيد تلوه=وجاه العذاب اللي على غير مله


على الذي طاب أخضر الجرح وأدموه=عيونٍ بتعذيب الحبايب محله


كم واحدٍ قبلي تبلوه و أسقوه= و أسقوه كأس الحب بالهجر كله


يا صاحبي من مات بالحب أدوه= وكم شيخ قومٍ مات من رمح خله