وش فايدة قولتك ليته وليته= كلّ الغلا قلنا عليه السلامي


من دفتري لاشفت اسمك محيته= ما عاد لك طاري بصفحة غرامي


العام لو إنَّكْ عطيت وخذيته= ما كانت نهاية غلانا خصامي


عن هرجك وفرقاك قلبي نهيته= لاشك ما طاع المولَّع كلامي


من عقب ذاك الحب حبّك نسيته= ناظر عيوني كلّ ليلٍ تنامي


قصر الغرام اللَّي لحبك بنيته= في المفترق راحت ركونه هدامي


وحكم القدر لك بالمفارق رضيته= آرد على فرقاك وردَ الظوامي


ماجت لك الدنيا على ما بغيته= والبعد عنك اليوم غاية مرامي