كثير الظلم في حبك عداله=تعوّدنا على ظلم الحبايب


على الهجران والتعذيب داله=وأنا ما أرضى على النفس الغلايب


ورضيت بجرح قلبي وانشغاله=على شان الهوى نعمل عجايب


بمال الحب من يرخص حلاله=ولو كثرت بغاليه الطلايب


لصوتك والسوالف منك واله=تعاتبني غلط واقول صايب


ذكر قلبي بحبه ما جرى له=وهبَّتْ بالمحبة له هبايبْ


يا روح الروح حالي منك حاله=أقول بخير وجروحي عطايب


جمال الحب في كثرة دلاله=تدلَّلْ والعب بشقر الذوايب