يا عينها ما ترحمين المجاريح=اللَّي مشاعرهم غرامك جرحها


ويا شعرها لا تنثني لي مع الريح= صورتك طول فراقنا ما مسحها


ويا جيدها المنتوق لا تغري مريح= عينه قبل شوفتك صدّ ونصحها


ويا قدّها خفَّفْ تثنيك لا أصيح=صيحة نفوس لوَّعت في فرحها


رمشك يلمَّحْ لي بالآمال تلميح=واليأس نفسي قبل أشوفك ذبحها


صحيح لو جابوا جميع المماليح=أنوارهم نورك بلمحة نضحها


حبّك برق لي مثل مزن المراويح=اللَّي مزونه عقب برقه طرحها


أرجي عسى لي من هواكم مصاليح=يقوله اللَّي لك حياته منحها


سبحت ببحورٍ غدت بالسوابيح=مجنون ليلى قبلنا ماسبحها