يا هاجس الأيام مالك ومالي= مالك ومال نفوس جاها قدرها


وقتٍ تجلاً بالوصال وصفا لي= عيّت عيوني منه تملأ نظرها


صحيح والله ما حسبت الليالي=تنقل نفوسٍ وامناتٍ خطرها


وقتٍ خذا غيري وحطّه بدالي=شوفات عيني يا ضنيني قصرها


ولا بد ما يجري له اللَّي جرى لي=تزّيَّن به الأيام بارق نحرها


أشكي على اللَّي من همومه شكا لي=ونفسي من المقفين تأخذ حذرها


دنياّ تجازي بالأسى كلّ غالي=هذا من الأيام داير شهرها


حقك سعادتها وأنا جورها لي=يكفي عيوني منك طايل سهرها


غرقت في دنياي قبل تهنالي=هذا وأنا سبّاح غبّة بحرها